Qara dastan – 37

2017-ci il noyabrın 23-də Azərbaycan İstiqlal Muzeyinin ekspozisiyasında Muzeyimizin, Dövlət Təhlükəsizliyi Xidmətinin arxivinin və Dövlət Sərhəd Xidmətinin birgə təşkilatçılığı ilə siyasi repressiyanın 80 illiyinə həsr olunmuş “Qara dastan – 37” adlı tədbir-sərgi keçirildi.
1920-ci ildən başlayaraq 30 ilə yaxın davam edən siyasi repressiyalar Azərbaycan tarixində baş vermiş ən böyük faciələrdən biridir. Bu illər ərzində qabaqcıl düşüncəyə malik bir çox ziyalılarımız, şairlərimiz, yazıçılarımız, eləcə də dövlət xadimlərimiz repressiyanın qurbanına çevrildilər. 1937-ci ilin sonunda ümumi repressiyaya məruz qalanların sayı 80 min nəfərə çatmışdır.
Muzeydə təşkil olunan sərgidə yeni eksponatlar – müvəqqəti saxlama yerlərinin qapısı, Dövlət Təhlükəsizliyi Xidmətinin arxivinin sənədləri, muzeyin fondunda saxlanılan müxtəlif əşyalar nümayiş olundu.
Oktyabrın 24-də Azərbaycan Respublikasının Prezidenti cənab İlham Əliyev böyük Azərbaycan şairi və dramaturqu Hüseyn Cavidin 135 illik yubileyinin keçirilməsi haqqında sərəncam imzalayıb. Cavidin adı totalitar rejimin repressiya qurbanlarının bütövlüyünün rəmzinə çevrilib və muzeydəki sərgidə ona aid guşə də tamaşaçılara təqdim olundu.
Tədbirdə Azərbaycan İstiqlal Muzeyinin direktoru Fəridə Şəmsi, Dövlət İdarəçilik Akademiyasının tarix kafedrasının müdiri, tarix üzrə fəlsəfə doktoru Firdovsiyyə Əhmədova, AMEA-nın Z.Bünyadov adına Şərqşünaslıq İnstitutunun baş elmi işçisi, tarix elmləri doktoru, professor Solmaz Rüstəmova-Tohidi, AMEA-nın Arxeologia və Etnoqrafiya İnstitutunun əməkdaşı Tufan Axundov, Dövlət Təhlükəsizliyi Xidmətinin əməkdaşı Fuad Babayev və çısış etdilər.
Qonaqlar: tarixçilər, Dövlət Təhlükəsizliyi Xidmətinin, Dövlət Sərhəd Xidmətinin əməkdaşları və s.

DSC_0206copy

DSC_0212copy

DSC_0273copy

DSC_0298copy

Search